На 26 февруари 2025 година во периодот од 10:00 до 13:00 часот во просториите на Министерството за енергетика, рударство и минерални суровини, во организација на Секторот за енергетска ефикасност се одржа работилница на тема „Енергетска ефикасност на згради“. Работилницата беше водена од експерти за енергетска ефикасност од Институтот „Fraunhofer“ со седиште во Штутгарт, Германија.
На работилницата беа претставени важните аспекти за прецизно пресметување на енергетската ефикасност на зградите, со фокус на:
- Методологија за енергетската ефикасност на зградите
- Студија за оптимални трошоци
- Дефиниција на референтни згради и дефиниција на енергетска ефикасност во согласност со енергетските карактеристики на згради
- Софтвер за енергетски карактеристики на згради (сертификати за енергетски карактеристики на згради )
Работилницата беше поддржана од страна на Германската банка за развој KfW.
На работилницата беа поканети и присуствуваа претставници на техничките факултети, невладиниот сектор, граѓанските здруженија од областа на енергетиката, од приватниот сектор и претставници од Германската банка за развој KfW.
Со почит,
Министерство за енергетика, рударство и минерални суровини
