Сања Божиновска родена на 08.06.1980 годна во Скопје.

Дипломирала на факултетот за Бизнис администрација на англо-американскиот универзитет во Прага, а завршила магистратура по меѓународен бизнис на Универзитетот во Гронинген, Холандија.

Во текот на нејзиното формално образование, пренесено од група на силни имиња од светот на економијата, Божиновска се стекнала со силна основа во принципите за планирање и практицирање менаџмент и бизнис. Благодарение на силната академска основа, Божиновска е опремена со длабоко разбирање на глобалната деловна динамика, што е од суштинско значење за нејзината работа во енергетскиот сектор.

Со повеќе од една деценија искуство во енергетската индустрија, Сања Божиновска е прагматичен лидер со докажано искуство во сферата на управување со енергетски ресурси, одржливи енергетски реформи и прекугранична соработка во Европа и пошироко.

Во рамки на своето професионално портфолио, Божиновска предводела стратешки иницијативи со фокус на енергетски инвестиции и регионална соработка во рамки на неколку мултинационални компании низ Европа. Нејзиниот деловен стремеж за оптимизирање на енергетските ресурси и поттикнување одржливи решенија ја позиционираат како предводник во подобрувањето на енергетската стабилност на земјите во развој, со акцент на стратешко планирање и транзиција кон практики за обновлива енергија.

Од 2018 година Божиновска работела како независен енергетски консултант, обезбедувајќи експертиза на широк спектар засегнати страни. Нејзиното долгогодишно искуство во комбинација со академското знаење беа клучни во справувањето и навигирањето на сложени енергетски предизвици, идентификувањето на можностите за раст и унапредувањето на иновациите во секторот.

Сања Божиновска е член на Извршниот комитет на ВМРО-ДПМНЕ, позиција од која дава клучен придонес во обликувањето на енергетските и еколошките политики, поддржувајќи иницијативи кои го усогласуваат економскиот развој со еколошката одржливост.

Започнувајќи од јуни 2024 година, Сања Божиновска е првата Министерка за енергетика, рударство и минерални суровини во Владата на Република Северна Македонија.