Италијанска донација

На Агенцијата за енергетика на Република Македонија и беше доделена донација за  набавка на една мерна станица за ветерна енергија доделена од Италијанско министерство за животна средина, земја и море. Набавката на опремата треба да се изврши заедно со набавката на опремата за мерење на ветерната енергија предвидена со ГЕФ проектот. Поради поврзаноста на овие два проекти и отежнатата состојба во која се наоѓа ГЕФ проектот, процесот за набавка на опремата е во мал застој.

Исто така, од Италијанско министерство за животна средина, земја и море беше доделена донација за отворање на првиот Инфоцентар за енергетика во Република Македонија. Инфоцентарот за енергетика беше отворен на 06.09.2010 година од страна на Агенцијата за енергетика на Република Македонија. Целите на Инфоцентарот за енергетика се фокусираат на обезбедување на елементарни информации, како и зголемување на познавањето и примената на мерките за енергетската ефикасност и зголемено користење на обновливите извори на енергија.

Инфоцентарот за енергетика се наоѓа на ул.„Максим Горки“ бр 11.