Посета на EnergyTech во Солун

Двајца претставници од Агенцијата за енергетика на Република Македонија, во четвртокот, на 16.02.2012 година го посетија саемот EnergyTech во Солун, Грција кој се одржа во склоп на саемот Helexpo SA 2012. Посетата се оствари по иницијатива и во организација на Стопанска Комора на Македонија, а учествуваа вкупно 17 претставници од различни фирми од Република Македонија.

Саемот, кој се одржува во периодот 16-19.02.2012 година, беше наменет за сите заинтересирани и инволвирани во полето на обновливите извори на енергија и енергетска ефикасност, а свои штандови имаа фирми од различни земји меѓу кои најмногу Грција па Италија, Германија, Шпанија, Јапонија, САД итн.

Британско-Македонски форум

Претставници од Агенцијата за енергетика учествуваа на Британско-Македонскиот форум кој се одржа на 6ти Февруари во Александар Палас во Скопје. Форумот беше организиран од British Expertise и Британската амбасада во Македонија.

Форумот под името “Градење на стратешки алијанси за ефикасно користење на ЕУ фондовите“ имаше за цел да ги спои македонските институции и компании со британските консултантски фирми кои имаат долгогодишни искуство во користењето на овие фондови.

Состанок на Управниот одбор на проектот ENER SUPPLY

На 26.01.2012 година, во Скопје, се одржа состанок на Управниот одбор на проектот ENER SUPPLY, кој го имплементира Агенцијата за енергетика на Република Македонија.

Проектот ENER SUPPLY е финансиран од транснационалната програма за соработка на земјите од Југоисточна Европа и имплементацијата на истиот ја вршат 13 партнери од 11 земји од ЈИЕ.

На состанокот присуствуваа претставници од речиси сите земји-партнери. Се разгледуваше напредокот на секој партнер во имплементацијата на проектот, како и последните чекори кои ќе бидат превземени за негово завршување.

Студиска посета во Венеција

Во периодот од 12.12.2011 до 16.12.2011 година, претставници од Агенцијата за енергетика на Република Македонија учествуваа на студиска посета во Венеција. Оваа студиска посета беше организирана како продолжение на Летното училиште за обновливи извори на енергија и енергетска ефикасност кое се одржа во Фојница, Босна и Херцеговина.

            Во рамките на оваа студиска посета беше организирана посета на повеќе компании од областа на обновливи извори на енергија и енергетска ефикасност: