Заинтересирани инвеститори за ОИЕ и ЕЕ

Во месец Април, во Република Македонија пристигнаа инвеститори заинтересирани за започнување проекти од областа на обновливи извори на енергија. Инвеститорите заедно со претставници од Агенцијата за енергетика ги посетија Јужниот, Југо-западниот и Вардарскиот регион на Република Македонија за да извршат сондација на места каде би можеле да бидат поставени фотоволтаици и ветерни паркови.

Поголемиот број од инвеститорите кои покажаа интерес за инвестирање во ОИЕ и ЕЕ се од Италија, Словенија, Австрија, Германија, Бугарија, Србија и Шпанија. 

Скопски маратон 2012

Рекорд во масовноста беше постигнат на годинашниот  Скопски маратон на кој учествуваа вкупно 3.500 учесници. На победничкиот пиедестал повторно доминираа кенијските тркачи. Првото место кај мажите го освои Патрик Мичеми Вамбугу од Кенија, а кај жените неговата сонародничка Сесилија Вангуи Варатумо.

Македонското државно првенство го освои Трпе Мартиновски. Заради топлото време и високите температури, Олимписката норма не беше исполнета, а исто така и рекордот на патеката не беше срушен.

Состанок на Агенцијата за енергетика со Градоначалниците од Полошкиот регион

Агенцијата за енергетика присуствуваше на состанокот на градоначалниците од Полошкиот регион, кој ги опфаќа општините Боговиње, Брвеница, Врапчиште,Гостивар, Желино, Јегуновце, Маврово и Ростуше, Теарце и Тетово.

Постигнување на социјална и економска одржливост преку енергетската ефикасност на централно и локално ниво

Само со штедење на онаа енергија што ја имаме и со изнаоѓање на нови алтарнативни извори ќе се дојде до одржлив социо економски равој со што ќе бидеме и конкурентни. За енергетската ефикасност се дискутираше на регионална конференција што се одржа во Скопје.

Потребна е заштеда на енергија и рационална употреба на она што го поседуваме, е еден од заклучоците на регионална конференција „Постигнување на социјална и економска одржливост преку енергетската ефикасност на централно и локално ниво“, што се одржа на 20.03.2012, хотел Континентал во Скопје.