Студиска посета во Венеција

Во периодот од 12.12.2011 до 16.12.2011 година, претставници од Агенцијата за енергетика на Република Македонија учествуваа на студиска посета во Венеција. Оваа студиска посета беше организирана како продолжение на Летното училиште за обновливи извори на енергија и енергетска ефикасност кое се одржа во Фојница, Босна и Херцеговина.

            Во рамките на оваа студиска посета беше организирана посета на повеќе компании од областа на обновливи извори на енергија и енергетска ефикасност:

Агенцијата за енергетика одржа предавања на тема “Правилно користење на електрична енергија“

           Претставници на Агенцијата за енергетика на Република Македонија, на ден 15.12.2011 година, одржаа презентација за децата од V до VIII одделение во основното  училиште “Рајко Жинзифов”,  во населба Драчево и во истоименото подрачно училиште во населба Пинтија.Темата на презентацијата беше ”Правилно користење на електричната енергија”.

            Целта на презентацијата беше запознавање на најмладите со концептот на  штедење на електрична енергија, заштита на животната средина со особен акцент на користењето на обновливи извори на енергија.

            Присутен беше и директорот на Агенцијата за енергетика, Г-дин Гечевски Лазар, кој со свое обраќање, на учениците им ја потенцираше важноста на енергетската ефикасност и придобивките од разумното користење на електричната енергија.

Конференција на тема “Стратегии за регионална енергетска безбедност- Енергетска политика во време на климатски промени”

Фондацијата Конрад Аденауер, Институтот за Демократија Социетас Цивилис и Невладината организација ФРОНТ 21/42, на 12ти и 13ти декември во Битола организираа конференција на тема "Стратегии за регионална енергетска безбедност- Енергетска политика во време на климатски промени".

Конференцијата беше отворена од страна на г-ѓа Ања Чимек, официјален претставник на Фондацијата Конрад Аденауер во Македонија, а на свеченото отварање збор зедоа и директорот на Агенцијата за енергетика на Република Македонија, г-динот Лазар Гечевски, и градоначалникот на Битола, г-динот Владимир Талески.

Целта на конференцијата беше пред се поттикнување на експертската јавност и обезбедување на конкретни препораки и заклучоци кои би послужиле како подлога за наредни владини и невладини стратегии во оваа сфера, како и размена на искуства од регионот и пошироко. На оваа стручна работилница беа поканети најрелевантните учесници во креирањето на стратегиите на ова поле, експерти во областа, и тоа, претставници од надлежните владини институции, академската сфера, како и претставници од невладините институции од земјата, регионот и пошироко.

Седница на Македонската енергетска асоцијација

Агенцијата за енергетика учествуваше на седницата што ја организираше Македонската енергетска асоцијација при Стопанската комора на Македонија, на која се разгледа Предлог-енергетскиот биланс на Република Македонија за периодот 2012 - 2016 година.

Енергетскиот биланс, освен за 2012 година, опфаќа проекции за потребите од сите видови енергија и можностите за нивно задоволување, до 2016 година.

Учесниците на седницата забележаа дека изнесените бројки се далеку од можна реализација и препорачаа документот да биде појасен, да дава подобри насоки кои ќе се базираат на фактичката состојба во земјава. Од Министерството за економија ветија корекции.

Потенцирано беше дека во иднина приоритет треба да биде искористување на лигнитот, гасот и алтернативните извори на енергија, како и итно формирање на енергетска берза. Цените на енергенсите во иднина ќе бележат пораст поради зголемената побарувачка на пазарот. Земјава е енергетски сиромашна и затоа итно треба да се намали потрошувачката, но и загубите во производството. Ова се дел oд пораките од Седницата на македонската енергетска асоцијација.